Farið verður í helstu boltagreinar fótbolta, körfubolta, handbolta, bandy, blak og e.t.v. einhverjar fleiri.
Nemendur æfa sig í misjöfnum boltaleikjum og taktík með því markmiði að allir þátttakendur séu virkir.
Stöku sinnum fer kennsla fram í kennslustofu þar sem farið verður í grunntækni, leikfræði og leikreglur og unnið í verkefnum því tengdu.
Markmiðin eru að nemendur:
• öðlist dýpri skilning á boltagreinum
• læri helstu leikreglur í hverri íþróttagrein
• fái tækifæri til þess að dæma knattleiki
• skilji að í boltaíþróttum eru allir spilarar jafn mikilvægir
• læri undirstöðuatriði liðssamvinnu og geti útfært þessi atriði í leikrænum æfingum og leikæfingum
• fái grunnþekkingu í uppbyggingu þjálfunar í hverri boltagrein.
• fari eftir samþykktum reglum og styðji hver annan á jákvæðan og uppbyggilegan hátt.
Námsmat: Unnið er út frá hæfniviðmiðum í aðalnámsskrá grunnskóla.